經歷詳述:
阿女星期日無緣無故嘔咗三次，話好肚痛，完全坐直唔到，跟住發高燒，食咗退燒藥，都反反覆覆。一直吳醫生都係我哋嘅家庭醫生，但星期日佢冇開，所以就去咗沙田希爾頓嗰邊睇，一埋單，要$8xx ….. 肉痛住俾錢，都算，仲要只係俾咗2枝藥水仔，返到屋企食咗，仍然毫無改善。

星期一早上，即刻book睇吳醫生，星期一早上，就算book 咗，都要等半個鐘，我就好心急，因為阿女情況變差，嘔咗成晚，好彩姑娘都一直安慰我。後來經過吳醫生檢查，我都放心晒，亦開定止痾藥俾我女，以防萬一，總共有7隻藥，姑娘亦提醒有咩食物唔食得….. 埋單$480，成個睇醫生程，都令人感覺到醫生同姑娘真係有關心病人，而啲藥食咗亦好快好返，今日已經可以返學啦。

所以我專登post 番，想幫吳醫生做平反。睇過咁多大圍醫生，嗰度啲姑娘最有心，價錢亦公道，貼曬大約嘅價錢出門口。有姑娘致電問症，跟進病情，我覺得幾好，但唔明點解俾人講度好似收追債電話咁⋯⋯


簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇