經歷詳述:
我是位年輕的男士。身體有d狀況，曾經兩次入公家醫院（差d死果種），兩次住公家醫院做左大量不同及重覆既身體測試，都搵唔到原因。2025年機緣巧合下，我透過另一類專科黃醫生，黃醫生好精準咁建議我做多次心臟檢查，並轉介到林逸賢醫生到問診。
第一次向林逸賢醫生問診時，林逸賢醫生好專業，好有耐性同我分析病發既可能原因，介紹心臟測試同手術時，林逸賢醫生甚至拎出手術工具，慢慢同我講解個過程。
第二次見林逸賢醫生已經係手術室入面，佢既經驗同專業，好快幫我搵到個發病原因，同即時幫我手術處理好。
手術後覆診兩次，林逸賢醫生都係好有耐性，詳細分析情況。我最後一次見林逸賢醫生時講：「林醫生，好感恩遇到你，可以接受你既醫治，我而家好似有重生既感覺。」林醫生回覆：「你要多謝黃醫生，係佢轉介你過黎。」
林醫生除左醫術高超，仲係一位好有醫德，為求診者著想的仁醫。
兩次入院既經歷，教會我身體健康並非必然，要及時珍惜同重視自己及家人。


簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇