經歷詳述:
平民百姓唔好睇佢，有錢嘅無問題 知道我唔會係佢到做手術， 去到睇抽針報告淨係指住報告講肺腺癌一期，之後全程唔問唔講嘢，全程我諗5分鐘左右就出返嚟，咁就$2000，咁我自己攞報告睇就得啦，洗咩俾錢見你 
事沿媽媽發現乳癌，在尖沙咀一間乳癌中心睇醫生做檢查，pet ct發現肺部有陰型，不過淋巴乾淨，估計係兩個獨立癌症，乳房醫生知我急要攞報告返政府覆診，佢就介紹咗一個認識嘅醫生俾我去睇，就係呢位孫醫生，咁啱佢人唔係香港，佢網上睇報告用視像應診，咁佢建議入養和做抽針，咁貴都要做，2萬8出院，其間因為約抽針係乳房醫生個邊又奇怪點解有兩個醫生巡房費，咪打去問先知孫醫生仲未返香港，要另一名醫生代簽紙入院，咁我就問幾時返，我要攞報告去政府覆診，乳房醫生姑娘一聽話孫醫生已經book咗政府覆診個日同你媽媽做手術，叫我打去孫醫生到問清楚，連院都未入針都未抽價錢都未報，最搞笑連病人自己都唔知就book咗，不過都算數啦，姑娘話我未應承佢我唔洗負責，做咗抽針先，當日做完都未出院，個孫醫生就話抽針順利同你星期五做手術，佢完全係通知式唔係詢問式，我話撞期政府，都未講可唔可以考慮下延遲幾日開刀，佢已經一輪嘴車埋嚟話政府幫你唔到，政府無用架佢幫到你d咩，跟住sales 上身咁，話佢團隊點好點好，技術點幾咁好，養和唔係最貴，我知政府要等，仲有貴過養和嘅醫院，但對於我呢個平民仲要無保險你叫我點頂，仲要去到呢刻無講幾錢，我問先講，乳肺一齊50幾60萬，有咩意外就唔止呢個數，你都要俾我睇埋政府先決定㗎，唔知係咪就係咁，無錢俾佢賺，去到睇報告就咁指住份報告講肺腺癌一期，跟住唔間唔講嘢，問一句答一句，完全hea答，完全無醫德，基本嘢都唔講解，乳房個位次次睇病都講解詳盡，都識講真係兩個癌一齊嚟都叫我可以考慮返政府，因為太貴，你仲有後續治療，呢位咩人嚟，我有錢要揾私家都唔揾你，揾第二個，我媽俾佢激到成晚瞓唔着，醫術上可能真係超好，但對無錢俾佢賺嘅人態度超差，我未遇過d 咁衰嘅醫生



簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 可能人夾人緣自己衡量