JJ回應:
絕對明白你的經歷，我又分享一下：

寶寶高燒，凌晨入院，聯絡不到平時的家庭醫生，不幸地只能選這個失德醫生害群之馬：
1）態度傲慢，欠基本尊重：
完全不尊重家長，問多兩句就會串你，而非提供有用的諮詢意見。例1：問佢細妹會唔會有機會傳染同一疾病，佢就同你講咁你要帶佢睇醫生喎（我點會唔知要帶佢睇醫生）；例2：出院之日，同佢講今日胃口好似差咗，就串返話你唔介意就留多一日院
2）失德無能，有辱醫生專業：
入院三天，第一天就話判斷佢中了某種病毒，照計要住很久的時間，但第二天就忽然說沒有問題，大概明天可出院。即是第一天已經是誤判了病情，甚至乎有誇大病情之嫌。
3）不負責任，欠缺同理心：
醫院姑娘話，一般小朋友出院都係朝早，唯獨呢個醫生次次都係下午先嚟，變相可以朝早出院嘅變咗下晝先出院。出院當天忘記簽claim form，由2點等到佢4點先簽返，根本上是無謂不必要的等待。
總結，相信浸會醫院仲有好多好醫生，好嘅姑娘亦都好多，但呢個醫生絕對是害群之馬，希望多啲人睇到。