經歷詳述:
本人於2012年12月首次睇保險Agent 介紹睇黎醫生,當時因為長期呼吸唔暢順,黎醫生好細心咁幫我照鼻鏡,會提醒我照鼻鏡時會有少少唔舒服,照完之後唔半個鐘唔好食野飲水等等.照完之後發現鼻骨有少少歪所以有呼吸不暢問題,醫生話可以食藥同噴鼻先,真係唔得先再諗做唔做手術.

到之後13年6月,因為有埋鼻鼾問題,所以想做手術斷尾,但Agent 先介紹我睇另一個耳鼻喉醫生,醫生就直接幫我照鼻鏡,叫我做手術,book埋醫院成件事完左之後都無解釋過個手術係點. 番到屋企睇到張手術須知後覺得驚驚地唔係幾對路,再打比黎醫生問下意見,黎醫生 ge 姑娘超級細心咁解釋成個手術係點,會有機會有d咩後遺症,仲唔收診金叫我上去同醫生再傾傾先再決定. 之後再同醫生傾完決定都係唔做手術,畢竟手術有風險,我又唔係嚴重到非做不可.

我成日都覺得,要比較醫生的話,其實技術上都唔會差好遠,但有醫德同無醫德對病人黎講真係會好大分別,好似黎醫生咁親切,有醫德,細心仲會唔收診金咁見病人ge私家專科醫生我都係第一次見,所以o個陣起我都決定, Touchwood 身邊有人要睇耳鼻喉的話,我都會介紹黎醫生比佢地!

多謝您黎醫生 ^^
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇