經歷詳述:
年紀越嚟越大，真係覺得塊面愈嚟愈鬆，成日望落鏡都覺得自己好攰、冇精神，所以就諗住做返啲嘢，令自己望落去精神啲、後生啲。 問咗幾個朋友，佢哋都叫我去見鄭醫生。我之前一次醫學美容都未試過，其實都有少少驚，又考慮咗好一段時間才決定去預約。

去到診所登記之後，大約等咗十五分鐘就見到鄭醫生。佢係一個好細心、好有經驗嘅整形外科醫生，成個人感覺好實在。 佢好有耐性，由頭到尾好詳細咁同我分析我嘅情況、講解手術同風險，答晒我所有問題，真係好專業，嗰次 consultation 已經俾到我差唔多100%信心。 之後返到屋企同屋企人傾過，大家都覺得可以信得過，最後就決定做呢個手術。

手術做完之後，我真係冇失望，甚至可以話係超出預期。依家成個人望落去後生咗好多，條輪廓靚咗，自己照鏡都開心咗；同朋友見面，好多人都主動問我做咗乜，話我精神咗、年輕咗，但又睇唔出有乜手術痕跡，好自然。 康復速度都比我想像中快，好快就可以正常出街見人，真係又感恩又開心，覺得揀鄭醫生係揀啱咗，所以想寫出嚟同大家分享俾有需要嘅人作參考。

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 不可多得，值得等待